رواية ايفيلين بقلم اسماء ندا الفصل التاسع والعشرين
زيادة وخلت سيان يوصلها مدية لأخوها الفرصة اللي محتاجها.
دخل الحمام خلع ثوب المستشفى الورقي ولبس هدومه اللي لسه فيها بقع دم ما هزهوش مش عارف يبدأ منين بس كسر شوية جماجم طليان فكرة كويسة كبداية.
غسل وشه ورجع الأوضة الباب اتقفل بهدوء كأن حد خرج لسه كان هيلحقه لكن عينه وقعت على ملف فوق الترابيزة وعليه ورقة صغيرة مكتوب فيها
ده مكانه في إيدك مش في إيدي
فتح الملف لقى بيانات شخص ما يعرفوش كمل يقرا لحد ما اكتشف ده السائق اللي خبط في عربيته نفس الوغد اللي اختفى من المستشفى. إصاباته بسيطة وخرج غصب عن الأطباء رغم كتفه المخلوع.
كورماك شد نفسه
الجرذ الحقير لو كان لسه هنا كنت ممكن أفكرها صدفة لكن هروبه جبان زي الفار.
ابتسم ابتسامة قاسية وقال لقيت أول وش هأحطمه
لم يمر وقت طويل حتى وصل كورماك للسلئق الفار صرخ الراجل وهو بيختنق من إيد كورماك حوالين رقبته
أرجوك! بالله عليك!
صوته كان زي صياح النورس وهو بيتسحب من على الحيطة وكورماك رماه بقوة على الترابيزة الهالكة في أوضة المعيشة الخشب اتكسر تحت جسده بس إيده ما سيبتش رقبته صراخه اتبدل لأنين متقطع لما كورماك ضغط بكفه التانية على كتفه المخلوع كان باين جدا أي كتف هو المصاب من طريقته في الدفاع عن نفسه لما كورماك حطم باب شقته برجله.
كورماك زمجر وهو يقرب وشه من وشه كلمة أرجوك مش اللي أنا عايزه أسمعه
تتبعه من المستشفى ماخدش وقت والسلاح اللي لاقاه في إيده خلى كل الشكوك تتحول ليقين الراجل ده مش مجرد سواق عادي. ده قاتل مأجور وكورماك حافظ النوع ده كويس.
الراجل غرقان في دمه بيتخبط وهو بيحاول يتكلم
أرجوك أنا
كورماك ضغط أكتر عينيه بتولع نار
عايز اسم. مين اللي بعتك تخلص عليا!
ما ما عنديش اسم!
كورماك زمجر وصاح إزاي يعني ماعندكش!
مافيش أسماء كده الاتفاق!
صوته كان بيتهز وهو بيحاول يتشبث بإيده كورماك شد عليه أكتر وبعدين فجأة فك شوية علشان يسيبه يتنفس وقال ببرود
تفاصيل الاتفاق إيه كان
الراجل كح والدم مغرق سنانه
كان طلب مجهول. قابلته إداني صورة وقاللي أقتلها. فشلت أول مرة كانت محمية فانسحبت
كورماك ضغط صوته وقال البنت جبت اسمها
إيڤ إيڤلين موريس!
والحادثة
اختفت قلتله إنها محمية والتكلفة هتعلى. وافق رحت لوالدتها لعبت في الكهربا وفضلت مترصد. أول ما ظهرت حاولت أطردها بالعربية مجرد حادث بسيط!
كورماك ضغط إيده من جديد والراجل بيصرخ زي بالونة بتفرقع مين اللي بعتك!
مافيش أسماء!
كورماك شتم بين أسنانه اللعنة!
طلع تليفونه بسرعة قلب في الصور لحد ما لقى صورة الدون الإيطالي ماتيو باراتي. ورفعها قصاد عين الراجل
الواد ده
القاتل حرك راسه بالنفي كورماك فكر طبيعي مش من أسلوب ماتيو إنه يجيب قاتل من بره العيلة بس برضه لو عايز يخفي نفسه ممكن يعمل كده بالظبط.
كورماك وراه صورة لابنه روكي
الواد ده
لأ!
إوعى تكون بتكدب عليا!
ما بكذبش! والله العظيم!
كورماك طلع آخر صورة اسكتش لنوح القاتل صرخ وهو بيتنفس بصعوبة
هو! ده الراجل! معرفش اسمه بس والله العظيم هو! أقسم!
لكنه ما كملش قبضة كورماك نزلت على وشه آخر خبطة وخلته فاقد الوعي بعدها شد نفسه بصعوبة وتنهد وهو بيطلع المسدس. رصاصة نظيفة في الجمجمة كانت كافية تنهي حياة القاتل.
الأوضة اتمايلت حواليه وهو بيجر رجليه وسط الفوضى متوجه للباب وبيردد نوح هو الخنزير اللي ورا كل ده هو اللي بعت قاتل مأجور علشان يخلص على إيفلين لكن فشل كل مرة بسببه ودلوقتي نوح ماسكها بين إيديه خرج من العمارة والشمس الغاربة بتحرق عينيه د رفع تليفونه واتصل ب سيان.
اللي عمله نوح كان بمثابة توقيع على حكم إعدامه بطيء ومؤلم سيان صرخ في السماعة
إنت فين يا ابن الكلب! عندك فكرة قد إيه اتخضيت لما لقيت أوضتك فاضية!
كورماك رد ببرود وهو ماشي في الشارع متجاهل الألم اللي بيمزق بطنه
سيان كلم ماتيو. قوله إن الفلوس الإيطالي هي اللي مولت محاولة اغتيالي.
إنت آه يا ابن حاضر هبلغه. وبعدين
كورماك ضغط صوته وهو بيكمل
وبعدين نلاقي إيفي مخبيها فى المدينة ومحدش هيرتاح غير لما ترجع جنبي.
