النداهة اسطورة الماضى البارت الاخير بقلم اسماء ندا

قبل الحادث بسنة قال الضابط
حامد هل من الممكن أن تحدثني عن عائلة خالتك واين كنت وقت الحادث 
قال حامد
أنا بعد ما خطبت هند سافرت عشان آخر فترة خدمتي في الجيش وكنا هنتجوز اول ما ارجع الشقة بتاعتي جاهزه هنا فوق امي ابويا الله يرحمه كان بناها ووضبها قبل ما يموت ووصانى على امى عشان مسبهاش لوحدها اصل ملهاش غيري ولما رجعت بعد ست شهور عرفت بالحريق وأنهم لقوا أميرة مقتولة وان هند هي اللي ولعت في نفسها وفي البيت وزي ما انت شايف هند مش بتكلم من ساعة ما فاقت من اسبوعين بس بدأت تنتبه لوجودي وكل ما تشوفني تعيط ومش بتكتب غير متصدقش أي حاجه عن اختي اختي بريئة والله أسألها بريئة من ايه ومين اللي عمل فيها كده تسكت وتعيط ومتكلمش اسأل امى تقول معرفش كل اللي اعرفه ان الحاج رمضان قتل أميرة وهند ولعت في نفسها وفب البيت وأختي وبنتها الثانية معرفوش يهربوا وماتوا ما تقولي يا باشا اللى تعرفه عشان قلبى يرتاح. 
صمت الضابط قليلا ثم قال
انت تعرف واحد اسمه فايز 
قال حامد
اه دا راجل معندوش لا ضمير ولا اخلاق وبيبيع مخدرات للعيال والحاج رمضان بلغ عنه مرة ماله ده هو عمل ايه اوعى تقول انه قرب من أميرة عشان كده عم الحاج فهم غلط ! 
قال الضابط 
لسه منعرفش هو عمل ايه بالضبط لكن هو مات او اتقتل لقينا جثته في الترعة اللي لقوا فيها أميرة رمضان بس في تسجيل صوت على تليفونه بيقول فيه إن نعيم محمد هو اللي سلطه يفبرك صور ليه هو وأميرة سوى واداهم للحاج رمضان لكن نعيم أنكر وقال انه كان بيحب أميرة وهي بتحبه. 
وقف حامد بغضب ثم جلس مرة اخرى وقال
حبته عقربه أميرة العاقلة المتفوقة اللي بتحلم بكلية الطب تبص للي بيشيل طوب وزلط ولاد الك.. 
قال الضابط
فايز ومات بس ما فيش حاجه تدين نعيم وخطيبتك مجبتش سيرة نعيم خالص 
قالت خالة هند
لا استنى! انا فاكرة إن الواد ده اللي اسمه نعيم اتقدم لأميرة وهي رفضته ورجع اتقدم ثاني وهدد ابوها بحاجه بس الحق يتقال الحاج رمضان ضربه وطرده بره البيت وقاله أعلى ما في خيلك اركبه وانا هعرف آخد حق بنتي لو بس فكرت تمس شرفها اه ويومها اختي الله يرحمها جابت أميرة هنا وكانت خايفة عليها أوي وحكت لي اللي حصل وبعد يومين جه الحاج رمضان وباس على راس أميرة وخدها وروحوا ومر أسبوع ويا عيني لقوها مقتوله وابوها مات من الحسرة عليها وانت عارف بقى الباقي. 
قال الضابط
بس يا حجة ده كله كلام مفيش دليل عليه مقدرش اقبض على نعيم من غير دليل على أي حال لسه التحقيقات شغالة وانا اكيد هلاقي دليل وهسجنه. 
خرج الضابط من بيت حامد وهو يفكر في طريقة سحب اعتراف نعيم بما فعله وتبرئة سمعة الفتاة وادانة نعيم وفايز وكل من عاونهم حتى يكونوا عبرة لغيرهم ولا تتكرر قصة أميرة مرة أخرى مر أسبوع وتم الإعلان عن موت فايز غرقا ولا وجود لأي شبهة جنائية وأغلقت قضية أميرة للمرة الثانية لكن قيدت بأن الأب قتل ابنته حفاظا على الشرف .
ذات ليلة اجتمع نعيم مع أصدقائه فوق سطح منزله المكون من ثلاث طبقات وهو منزل ريفي يطل على الأراضي الزراعية وتستطيع من فوق السطح رؤية الترعة التي تمر على بداية الأراضي حتى يسقي الفلاحين الزرع من خلالها.
وقف نعيم ينظر وهو يستند فوق الصور ويشرب كوبا من القهوة مع سيجارة ثم قال 
بعد موت العبقري بتاعنا الواحد مبقاش عارف هيتسلى ويضيع وقته ازاي وفين. 
قال زيد الذي كان يجلس على الأرض ويدخن هو الآخر
متقلقش عرفت واحد في البلد اللي جنبينا انما ايه دماغه دي عنب هيعرف انما ايه هتعجبك اوي. 
قال سيد
يا عم انت بتقول ايه نعيم بيتكلم على الصور اللي كان بيعملها فايز واحنا نصطاد بيها بت ولا اثنين دلوقتى بقى هنجيب بنات فرز من اللي متعلم عليهم وشوف دول بقى هياخدوا كام. 
صاح نعيم هشش اسكتوا وتعالوا شوفوا كده دي تهيؤات ولا حقيقة. 
نهض الاثنان واقتربا من نعيم ينظرون إلى ما يشير فقال سيد
اي ده هي البت دي بتعمل ايه قرب الفجر كده عند شط الترعة. 
قال زيد وهو ينفخ دخان سجائره تلاقيها هربانه ولا جاي تقابل عشيقها 
قال نعيم ساخرا
تقابل عشيقها قبل الفجر انت شكل السيجارة لعبت بعقلك دي اكيد هربانه بس وقعت ومحدش سما عليها. 
استدار نعيم وأسرع بالنزول وتبعه الاثنين وهم يضحكان وعندما اقتربوا من الفتاة التي تجلس على شاطئ الترعة وتدندن بصوت عذب وهي تمشط شعرها الاسمر الطويل همس نعيم
صوتها حلو اوي يا عيال. 
قال سيد صوت ايه انى مش سامع حاجه. 
قال زيد بقول ايه احنا نرجع بقى ونبعد بصوا على رجليها! دى... دى .. متركبه بالعكس.. اني ماشي 
قال نعيم وهو يضحك كالاببله دي بتنادي باسمي بتقول تعالى يا نعيم.  
حاول زيد إمساك نعيم لكن شيء ما قيد قدميه في الأرض وذراعاه إلى الخلف وكذلك شعر سيد تقدم نعيم واقترب من الفتاة وما أن حاول مد يده ليضعها على كتف الفتاة حتى استدارت ونظرت له بتلك العيون الحمراء كالدماء تيبس نعيم بمكانه ولم يعد يستطيع الحركة كان وجه الفتاة ينقط دما وشعرها الذي كان طويلا من بضع ثوان أصبح مقصوصا بشكل أهوج وتظهر على جسدها علامات الضرب الزرقاء وملابسها ممزقة من فعل تلك الضربات المتعددة.
حاول نعيم التراجع وهو يقول
أميرة! لا .. مش ممكن .. انت متي! أميرة انا كنت عايز اتجوزك والله ما تخيلت ابوك يعمل كده فيكي انى قولت هيضرب اه بس في الاخر هيجوزك مني عشان يداري الفضيحة انى بحبك. 
امتدت يد الفتاة تطلب منه أن يقترب ليعانقها وبدون وعي أو إرادة منه اقترب وكلما اقترب ابتعدت هي حتى أصبح في منتصف الترعة فهجمت عليه ليسقط جسده في عمق الترعة ولا يستطيع الفرار. وبينما كان يغرق كان اصدقائه بدون إرادة يمزقون ملابسهم ويصرخون من الألم الذي لا يعرفون سببا له كانت أجسادهم تحترق دون نار.
لحظات ومع بزوغ الشمس تجمع الفلاحون وجدوا جسد نعيم يطفوا فوق الماء غريقا بينما الاخرين يصرخون ويضربون أنفسهم بالحجارة حتى قتلوا أنفسهم ومنذ ذلك اليوم ابتعد الناس عن تلك المنطقة في الترعة وانتشرت الشائعات عن وجود النداهة فتاة جميلة تستدرك الشباب وتغرقهم في الترعة ومن لا يستجيب لها يفقد عقله وينتحر.
اغلق مارك جهاز الكمبيوتر المحمول ثم نهض وتوجه الى زوجته وقال لها 
لقد انتهت الرحلة سريعا كم اكره العودة إلى العمل مرة اخرى 
قالت مارى اجل سوف تعود للعمل وهذا ما اخشاه ان تعود لرؤية تلك الأشباح 
قال مارك بضحكه مرتفعة ومن قال اننى توقفت عن رؤيتهم انا فقط تعلمت كيفية التجاهل والتعايش بوجودهم من حولى