عملاء تحت النار بقلم يحي الحريري الفصل الاول والثاني

خطة معمولة من شهور. يمكن من سنين. 
رائد
مستحيل نكمل شغل وإحنا كلنا بنتشكك في بعض محتاجين نجمع كل سجل اتصالات حصل بينا وبين أي جهة خارجية آخر ٤٨ ساعة. و... آسف بس هنراجع ماضي كل واحد فينا. حتى أنا. 
آسيا بعد لحظة صمت همست
طيب... لو كان في واحد مننا مش بيتجسس بس بل تم زرعه جوه الفريق
مش ليث... شخص تاني لسه ما اكتشفنهوش 
الجميع تبادل النظرات.
فجأة... أضاءت شاشة صغيرة مهملة في زاوية الغرفة وظهر فيها مقطع فيديو قديم يعود لتاريخ مجهول بصيغة أرشيفية تالفة.
الصورة تظهر خمسة أشخاص بملابس التدريب الخاصة بالقسم يجلسون حول طاولة دائرية وجوههم غير واضحة.
ولكن صوتا أنثويا واضحا يسمع
عملية الدمية النائمة تبدأ فورا بعد الاختراق الأول.
سيفعل العميل عندما يصل الفريق للنقطة الحرجة وعندها فقط ستتغير الولاءات. 
الصوت الآخر في التسجيل ذكوري ومشفر
وإذا فشل 
ما فيش فشل. لأن الدمية ما بتفوقش إلا لو قررنا إحنا. 
رائد يضرب الطاولة بقبضة مغلقة
مين سجل التسجيل ده ومن هي الدمية 
ديما وهي تراجع مصدر الملف
المصدر مش معروف لكن العنوان الداخلي للملف هو أغنية مكسورة واللي فتحه قبلنا حسب السجل هو... أنا. 
صمت مميت.
يونس بصوت حاد
ديما... أنت عارفة حاجة 
ديما مصدومة تهمس
أنا ما فتحتش حاجة بس في لحظات بتمر عليا صور غريبة مشاهد كوابيس يمكن بس مش عارفة أميز إذا كنت عشتها فعلا أو إذا حد زرعها في دماغي. 
آسيا تقترب منها ببطء تنظر في عينيها بقلق
ديما من سنة لما خرجتي من مهمة روما فقدتي الوعي لمدة ١٢ ساعة.
وما حد عرف إيه اللي حصل وقتها. 
في تلك اللحظة انطفأت الأنوار مجددا.
صوت إلكتروني مشوه يدوي في القاعة
مرحلة الاختبار انتهت ومرحلة التفعيل بدأت. 
ثم اشتعلت الشاشة الأخيرة لتعرض كلمة واحدة باللون الأحمر الدموي
الدمية استيقظت. 
والكاميرا تركز على وجه ديما
حيث عيناها تتسعان وتتحول نظرتها فجأة وكأن عقلا آخر تسلل داخلها.
عملاء_تحت_الرماد
البارت_الثاني
النظام في وضع الطوارئ كل الأبواب مغلقة العيون على ديما
الضوء الأحمر لا يزال يومض... والهواء في القاعة مشحون بالكهرباء والخوف.
رائد ثبت عينيه على ديما
ديما قوليلي إيه آخر حاجة فاكرة إنك شفتيها قبل ما تطلع الرسالة 
ديما كانت واقفة بلا حركة عيناها مفتوحتان بجمود نظرتها زجاجية ثم همست بصوت كأنه آت من بعد آخر
أنا أنا مش ديما. 
آسيا شهقت ويونس رفع سلاحه فورا
اقفلي فمك لو هتكملي تهديد 
ديما أو من تسكن داخلها نظرت لهم جميعا بابتسامة مرعبة وقالت
ديما كانت مدخلكم لكن دلوقتي أنا اللي ماسك الخيوط. 
رائد إنت تحت تأثير برمجة زرعوا فيك شيفرة تفعيل 
ديما النسخة كان لازم حد يبقى جوه السيستم والضحية المثالية ديما البنت اللي محدش بيسأل هي راحت فين لما اختفت في مهمة روما. 
في لحظة جنونية ضغطت ديما على زر صغير في ساعتها الإلكترونية وفجأة النظام الداخلي بدأ يعرض خرائط خفية لمناطق سرية داخل القاعدة لم يعلم أحد بوجودها من قبل.
الصوت المفلتر عاد عبر السماعات
مرحبا بكم في المرحلة الثانية من الخدعة الكبرى... الآن كل شيء يبدأ. 
رائد صرخ قطعوا الاتصال اقفلوا كل المنافذ الرقمية! 
آسيا هرعت للوحة التحكم الكود بيغير نفسه كل ثانية هو بيكتب نفسه كأنه كائن حي. 
يونس وهو يقف أمام ديما
هسألك سؤال واحد هل في غيرك جوه الفريق 
ديما التفتت له وابتسمت كأنها طفلة بريئة ثم قالت
الخلايا النائمة عددهم مش مهم المهم إنكم مش هتلحقوا تعرفوا. 
فجأة صوت انفجار مدو يهز القاعدة من الطابق السفلي.
الكل يسقط على الأرض الدخان يملأ المكان الإنذارات تعوي وديما اختفت.
رائد وهو ينهض ديما مشيت وفتحت بوابة ما كانش المفروض تتفتح أبدا. 
آسيا في حد تاني تحرك أنا شفت حركة على الكاميرات في نفق الصيانة 14. 
يونس ما فيش وقت لو ديما كانت مفتاح فالنفق هو الباب. 
رائد وهو يجهز سلاحه هننزل ومش هنطلع قبل ما نعرف الحقيقة. 
كاميرا حرارية نفق رقم 14 الساعة 0307 فجرا
رائد يونس وآسيا يتحركون في صمت كل خطوة تشبه صدى قلب مضروب بالخوف.
فجأة تظهر صورة حرارية لشخص يجري بسرعة لكن ملامحه غير واضحة ثم يتوقف وينظر نحوهم
الصورة تتجمد على وجهه إنه ليث لكن وجهه مشوه ونصفه يحمل ندبة مشطوبة وكأنها آثار تجربة أو تشويه قسري.
رائد ده مش ليث أو ده النسخة التانية اللي صنعتها شبكة الجحيم. 
وقبل أن يكمل تطفأ الكاميرا ويسمع صوت داخلي عبر سماعة خفية
الصوت أنتم دخلتم المتاهة ولا أحد يخرج من المتاهة حيا. 
نفق 14 المنطقة السفلى من قاعدة قسم الظل
الزمن 0311 فجرا
حالة طوارئ من الدرجة الحمراء جميع الفرق ممنوعة من الدخول 
تقدم رائد بحذر سلاحه موجه أمامه عدسة الرؤية الليلية تظهر ذبذبات حرارية كثيرة... لكن لا أحد ظاهر للعين المجردة.
يونس بصوت خافت عبر الاتصال الداخلي
في حركة... الجدران بتتغير! في تكنولوجيا تشويش بصري ده مش نفق عادي. 
آسيا وهي تراقب المجسات
في مجسم حراري اتحرك بسرعة فوقنا... حد بيتنقل عبر نظام تهوية مخفي... وده مش موجود على أي خريطة. 
فجأة دوى صوت ارتطام عنيف فوقهم تلاه سقوط شخص مقنع من