ليه يا زمن بقلم نسرين بلعجيلي الفصل ١٢

غيرت هدومها وطلعت شقه ابنها العريس لقته لسه بيلبس البدلة.
عماد في إيه يا ما انت فتحت الشقه 
جمالات أيوه فيها حاجة دي 
عماد ياما ماينفعش يبقى معاكي المفتاح وتفتحي براحتك مش حاكون لوحدي.
جمالات الكلام دا ماليش فيه يا حبيبي اسمع الكلمتين الي هاقولهم ليك وحطهم حلقة في وذانك.
البت وداد بت هبله وعبيطه وماصدقت لقت حد يبص في خلقتها. 
حق الله هي مش وحشة تخينه شوية مش مشكله وشها فيه حبوب ما يجراش حاجة اخواتك البنات حايزبطوها ليك متخافش.
المهم عندي إنك تمشيها على العجين ماتلخبطوش تخليها خاتم في صباعك علشان تعرف تعيش معاها اشكمها 
عماد أعمل إيه يعني أضربها 
جمالات زبط أمورك معاها لا تكون وحش ولا تكون حنين خد العصا من الوسط.
عماد مش فاهم.
جمالات وإيه الجديد ما طول عمرك غبي زي ابوك ماعلينا  
كلمتك تمشي سيف 
عماد عيب ياما الكلام دا. 
إوعى يا ولا تاخذ حاجة كده ولا كده ما انا حاكم اعرف عيلة ابوك كلهم ليهم في الحاجات دي.
يجي ابن عمك يديك حاجه انا بقولك اهو.
عماد انا مش فاهم منك ولا كلمة انت بتحبيها ولا بتكرهيها 
جمالات انا لا بحبها ولا بكرها بس بوصيك عارف ليه لأنك عبيط. شوف كم وحدة خطبت كلهم ضحكوا عليك. البت دي هي الي هاتستحمل قرفك. انت ابني وانا عارفاك عقلك ناقص حبيتين 
بلاش خشامة مع البت هي لسه صغيرة بس ماتخليهاش تركب ودلدل رجليها هي دي الي هتخليك ومش حاتشوف عيوبك. أنا عايزة مصلحتك.
عماد خلاص ياما كل مره بتعايريني بحاجة ماليش ذنب فيها.
جمالات أنا مش بعايرك بس بوعيك. هو انا ليا مين غيرك
عماد خلاص ياما.
جمالات يلا بسرعة خلص لبسك خلينا نروح عند العروسة.
عماد أبو البت واخد سلف علشان يجهز بنته وعامل فرح في الحارة اي نعم كنت عايزة قاعة بس معلش أهو صارف
ومكلف.
عماد بقولك إيه ياما مش احنا كنا متفقين على شاشة في أوضه النوم مافيش حاجة
جمالات معلش يمكن نسيوا يجيبوها ولا لسه في الكراتين في حاجات لسه ماتفرشتش وبعدين انت في إيه ولا إيه
عماد لا ما انا شرطي الجوازه تكمل تجيب شاشة.
جمالات لا راجل يا ولا.
طلعت من الأوضه وهي بتبرطم
عليه العوض ومنه العوض يارب.
وداد كانت جاهزة وطلعت قمر 14. أما زهرة لبست فستانها ومارضيتش تحط ميكاب بس الكل ضغط عليها لحد ما حطت شوية
سحر العريس وصل.
وداد مسكت إيد زهرة
زهرة بسم الله عليكي فيكي إيه
وداد خاېفة مش عارفه ليه.
زهرة جمدي قلبك اقرأي قرآن.
العريس دخل وشاف وداد اټصدم من حلاوتها.
طلعت معاه بره رقصوا شوية وركبوا العربيات وصلوا الحارة وزفوا العرسان للكوشة.
نانسي ورحمه سلموا على وداد والعريس.
ورحمه راحت سلمت على زهرة
رحمه عقبالك يا ست البنات.
زهرة كانت مبسوطة وحست من حضڼ رحمه إنها عارفه قصتها مع علي.
اما محمد راح عند فاطمه. 
محمد مش قلتلك شفت حضنتها إزاي.
فاطمة يارب يا محمد يسمع منك ربنا حتكون طاقه القدر اتفتحت ليها.
الفرح شغال و زهرة واقفة مكانها لحد ما وصلتها رسالة 
فتحتها واتخضت.
علي كتب ليها....
علي اعمل فيكي إيه ليه مش بتسمعي كلامي مش اتفقنا ماتحطيش ميكاب وإيه الي حطاه على شعرك دا نص شعرك باين والفستان 
فضلت تبص بعنيها عليه لحد ما لمحته قاعد جنب أمه.
رحمه نورت الفرح يا حبيبي عقبالك.
علي الفرح منور بأصحابه.
رحمه ماكنتش اعرف إنك جاي.
علي خلصت شغل وجيت عم محمد اتصل بيا وعزمني مارضيتش اكسفه.
رحمه طول عمرك بتفهم في الأصول. ولا حبيبه القلب موجودة في الفرح مش هسيبك لحد ماتقولي مين هي.
علي مش وقته يا أمي.
رحمه تعرف يا علي لولا إني عارفة انك بتحب البنت دي كنت خطبت ليك زهرة أخت العروسة.
قلب علي دق. 
علي اشمعنا!!!
رحمه البت حلوة بص على جمالها. ومن ساعة الفرح وهي مش سايبه اختها ولا رقصت حتى.
علي وفيها إيه ما دي اختها ويمكن مابتعرفش 
فرح هي مين دي اللي مابتعرفش 
الله اكبر عليها فاتفاجئت إنها ماتحركتش من مكانها.
رحمه امبارح كنا بس ستات في بيتهم بس النهارده الفرح مليان.
علي في نفسه...
حسابك تقل يا زهرة.
رحمه الي واخد عقلك يا بني 
علي مافيش. 
رحمه طيب يا بني روح سلم على ابوك قدام الرجاله مايصحش يا بني.
علي حاضر يا أمي.
علي راح سلم على المعلم... 
المعلم من كثر فرحته حضنه.
المعلم عقبالك يابني.
علي إن شاءالله.
وسلم على محمد وبارك ليه.
وبعث رسالة لزهرة تقابله في مدخل العمارة بتاعتهم. 
الفرح كان جنب العمارة.
زهره خاڤت بس لازم تروح.
سبقها علي وزهرة اتسحبت من غير ما حد يحس وراحت. 
وفضلوا يبصوا في عنين
بعض.
علي هاتعملي فيا إيه ثاني يا زهرة  
زهره پصدمه مين قالك
علي ردي عليا كذبت عليا ليه سألتك قولتيلي 
زهرة على فكره دا كان في بيتنا ومع ستات الحارة 
زهرة علي أرجوك خليني امشي قبل ما حد يشوفني معاك.
علي بتهربي من سؤالي ليه 
زهره عينيها ابتدت تلمع بالدموع 
بقولك يا علي انا لسه مش مراتك علشان تفضل تتحكم فيا كده.
علي قد الكلام الي انت بتقوليه
زهرة أرجوك يا علي ماتضغطش علي وسيبني أروح 
وإيه اللي هيحصل لولاد مع عماد