ليه يا زمن بقلم نسرين بلعجيلي الفصل ١٢

الفصل 12
علي وصل فرح الشغل وراح المكتب شرب قهوته وراح مكتب مراد بس مكانش موجود.
جات هايدي عنده... 
هايدي صاحبك أخذ أجازه مفاجأة دا بابي زعلان جدا لانه كان معاه قضية طلاق واحد صاحبه
علي أجازه !!!
هايدي آه إتصل الصبح في حاجة 
علي لأ. بقولك انا عندي مشوار وراجع.
دخل مكتبه أخذ مفاتيح عربيته وموبايله ونزل يجري.
راح عمارة مراد ركن العربية وطلع السلم فضل يرن الجرس ماحدش بيفتح. إتصل على موبايله مقفول.
نزل تحت سأل البواب قاله إن بالليل أخذ شنطته وسافر.
علي زعل جدا على المشكلة الي حصلت بينهم.
بعد أسبوع....
اليوم فرح وداد وعماد.
الحارة مقلوبة الكل شغال.
أم العريس مش مبسوطة كانت عايزه الفرح يكون في قاعة.
في بيت زهرة.....
كل نسوان الحارة بيساعدوا فاطمة في التحضيرات.
في أوضة البنات....
زهرة يلا يا وداد خلصي اعملي دوش خلينا نمشي الصالون حنتأخر.
وداد حاضر.
زهرة مالك يا وداد !!
وداد خاېفة قلبي بيضرب بسرعة.
زهرة خاېفة من إيه
وداد والله مش عارفه انا مبسوطه إني هروح بيتي بس الخۏف مسيطر عليا.
زهره إنت خاېفه من عماد صح
وداد بجد هو مبسوط بطريقة خوفتني.
كل كلامه حايعمل إيه 
زهرة يا نهار اسود!! الراجل دا مش طبيعي 
وداد بالله عليك ما تزويديها عليا.
انا رايحه استحمى.
زهرة زعلانه 
شافت تليفونها بيرن وأكيد حبيب القلب علي...
زهرة إزيك يا علي 
علي الحمد لله. 
إنت عامله إيه 
زهره الحمد لله 
زهرة ربنا يستر. 
عند رحمة كانت قاعدة مع نانسي.
نانسي هتروحي يا حاجة فرح بنت فاطمة
رحمه طبعا لازم اروح الست خدمت عندنا من سنين ماشفتش حاجة وحشة منها. 
والفرح في الحارة أروح اعمل الواجب وارجع بس هاستنى لما بنتي فرح ترجع ونروح سوا.
نانسي المعلم كمان حايروح
يا حاجه مش عايزاك تزعلي مني.
رحمه ربنا مايجيب زعل إنت ولا غيرك هو كان هيتجوز. 
بس
ماشاء الله لسه صغيرة و حلوة وافقتي ليه
نانسي الظروف يا حاجة.
أنا مطلقة بعيلين وابوهم شال مسؤوليته منهم وراح اتجوز. أبويا على قد حاله عنده كوم عيال لازم يصرف عليهم ورجعت ليه بعيلين إيد قدام و إيد ورا.
نزلت اشتغل وحضرتك ست العارفين الكل بيطمع في مطلقة و أولهم المعلم لما شافني فضل يجري ورايا وقالي إنه عايزني في الحلال.
أبويا على طول وافق ماهو عايز 
فكرت مع نفسي وقلت وماله طالما في الحلال وهاعرف اصرف على عيالي.
جاب المأذون إتجوزنا 
هي دي الحقيقة وانا والله كافيه خيري شړي مش عايزه مشاكل مع حد.  
رحمه لا حول ولا قوة الا بالله العلي العظيم.
و أولادك سيبتيهم فين
نانسي مع أمي بيني وبينك مش عايزة أجيبهم هنا هما عارفين إني مسافرة شغل. مش عايزة عيالي يقولوا بعت نفسي علشان المعلم 
رحمه فهمت. ربنا يهدي.
نانسي معلش في كلمتين كنت عايزه اقولهم.
رحمه قولي يا بنتي.
نانسي لو كنت عملت الي كان عايزه ماكنش اتجوز عليكي. 
رحمه النصيب والي عينه فارغه مافيش فايدة فيه.
هنا جات نوال....
فتحت ليها الشغاله الباب
نوال أول ماشافت نانسي...
نوال الله الله متجمعين أكيد بتتفقوا عليا.
نانسي عن إذنك يا حاجة لما تكوني رايحه قوليلي علشان أروح معاكي.
نوال واقفة وحاطه إيديها في وسطها..
نوال تروحوا فين
رحمه روحي انت شقتك.
راحت نانسي.
ونوال قعدت مكانها.
نوال مكانش العشم دا يا رحمه دا احنا عشرة عمر دا انا خلفت عيالي على إيدك تتفقي معاها عليا
رحمه هو انت جرا لعقلك حاجة يا نوال! مين قالك اننا كنا بنتفق عليكي
نوال اومال كنتوا متجمعين ليه
رحمه بنتكلم و جات تسألني حاروح الفرح ولا لأ.
نوال هو انت ناويه تروحي فرح بنت الخدامة
رحمه ومالها بنت الخدامة
نوال لا يا رحمه مش هاننزل المستوى دا ونروح.
رحمه اتكلمي على نفسك انا رايحه.
نوال خلاص انا مش رايحه.
الليله ليلتي ولازم أجهز نفسي 
رحمه ربنا يعينك على الي انت فيه
نوال ومال الي انا فيه يا رحمه
رحمه مافيش يا نوال.
نوال الا قوليلي هو صحيح المحروس ابنك عمل مشكلة مع صاحبه وهو عمل بلوك ولا ماعرفش اسمه إيه لفرح
صدقتي انهم 
عجايب والله.
رحمه انا فكرت كثير قبل ما اخذ القرار دا بس بعد كلامك بنتك ماتدخلش بيتي ثاني لما ماتحترمش أسرار البيت دا. 
و أي حاجة تروح تنقلها ليكي 
دساس مهما كبرت و ربيت.
نوال إنت اټجننت يا رحمه عايزة تمنعي بنتي من بيت ابوها وهي هتنزل تبات عندك ولا قولي انك اتفقت مع الحرباية الي فوق 
رحمه دا بيتي أنا مش بيت المعلم.
وصدعتيني اطلعي شقتك وخذي الباب في إيدك.
نوال ماشي يا رحمه أقسم بالله مش حاسكت.
في الصالون الي بتشتغل فيه زهرة كل البنات مع وداد عملت حمام مغربي ولبست الفستان وابتدت تحط ميكاب. 
أم العريس جمالات راحت شقتها