ايفلين الفصل ٢٢ ل اسماء ندا

شربت بق كبير وابتسمت.
"دلوقتي، محدش بيهتم،  الإيطاليين بالذات مشهورين بستاتهم الخطيرة، وسيرشا بتاعتي ليها سمعتها لوحدها"
ساويرس وطت راسها، وخدودها احمرت كده، قالت وهي بتحاول تغير الموضوع 
"أنا أفضل نتكلم عن مواعدة كورماك للست اللي خطفها دي"
كورماك نفخ بضيق وضغط على إيدي "عندك أي شكوى؟"
رديت، وبعدين ميلت راسي "مفيش ،مع ذلك... بنواعد؟ هو ده اللي بيحصل؟"
كورماك قلب عينيه وأمه ضحكت.
"إزاي الناس بتقول إن عيلة جيفوردز مغرورة وبنتي بتتجاهل الكلام الحلو ده بكل شياكة؟ الرومانسية في الدنيا دي حاجة قيمة أوي، أنا واثقة إن كورماك عارف هو بيعمل إيه."
كورماك اعترف "أنا بتصرف بتلقائية شوية يا أمي، زي أبويا كده."
ابتسمت بحنية وقالت "أيوك ،أنا فخورة بيك،  مين كان يتوقع إني أربي أربعة زي القمر كده..." 
فجأة اتلخبطت في الكلام، وحسيت فجأة إن الكرسيين الفاضيين على الترابيزة بقوا كبار أوي وبيعملوا دوشة، كأنهم بيشفطوا الهوا كله والسكوت عم المكان، كورماك ضغط على إيدي جامد.
"الكرسيين الفاضيين. كونور، أبوه، وبريندان."
كلودا فضت الكاسية بتاعتها وحطتها بالراحة  "أنا..."
صوتها كان مهزوز.
سيان وسورشا بصوا لبعض، وسط الفرح ده كله، غياب بريندن ما كانش باين أوي، وده أكيد كان مقصود عشان نحاول نفرح الكل بس الحزن بيجي موجات، وفجأة مفيش مفر منه.
كورماك قال وهو قايم من على الكرسي كأنه بيهديها "خلاص يا أمي،"
هي لوحت بإيديها وحطت المنديل على بقها، ولما رمشت، عينيها بقت زي الازاز.
هزت راسها وقالت "لحظة، نسيت ، كل يوم بنسى، لحظة واحدة بس، فاهمة؟ هعمل حاجة أو هشوف حاجة، وهفتكر إني هقوله وبعدين افتكر، وأحس كإني بتوجع من جديد."
بصيت حوالين الطاولة  الكل كان حاسس بنفس الحزن والوجع، وقلبي كان نفسي أقول أو أعمل أي حاجة تخفف الألم ده، بس ده كان أكبر من طاقتي، حطيت إيدي التانية على إيد كورماك في صمت كدعم ليه.
كلودا وقفت فجأة وقالت "لما البوليس يحرق جثته، أنا عايزاه يرجع أيرلندا ، ده المكان اللي رماده ينتمي ليه"
همسة موافقة خفيفة مشيت بين الكل، وبعدين كلودا  اعتذرت بسرعة، وبعد ثانية، سيان وسورشا قاموا وراها  لما كورماك قام، أنا توقعت إنه هيعمل نفس الحاجة، بس بدل ما يعمل كده، سحبني معاه.
"فيه حاجة عايز اوريهالك."
اتكلمنا بصوت واطي وإحنا ماشيين بعيد عن بيت المزرعة،  وبين ما الجو بيبرد والسما بتضلم، أنا قربت منه  عشان الدفا و عشان أقوله إني موجودة، الراجل ده عامل زي الصندوق المقفول لما الموضوع بيوصل لأي حاجة غير مطاردة اللي قتل بريندن وحمايتي أنا، كل ما كنت بقرب أعرف إيه اللي بيحمّسه، كان بيسكت بسرعة، وده كان بيتكرر على ترابيزة العشا. أنا ممكن أجزم إنه زعلان، بس هو بيتجنب الموضوع زي ما أنا كنت بتجنب رسايل الدفع.
"إحنا رايحين فين؟" سألت بهدوء.
كورماك ما ردش، كان ماشي بخطوات واسعة، فاضطريت أجري عشان ألحقه، خطوتين قصاد كل خطوة لحد ما وصلنا للحظيرة وفتح الباب، ساب إيدي ودخل، وأنا مشيت وراه وريحة التبن والزبل النفاذة دخلت مناخيري، جوه، كان فيه عامل في المزرعة اختفى أول ما شاف كورماك، وسابنا لوحدنا.
فيه حظاير كتير جوه، بس اتنين بس اللي فيهم خيول دلوقتي، واحد منهم ضخم أوي، بشعر أسود ناعم وعرف طويل مستخبي ورا باب الحظيرة، العرف ده نازل مموج كده، والحصان صهل بصوت حاد وبدأ يعمل دوشة في الحظيرة بتاعته لما كورماك قرب منه و مسك لجام الحصان وشد رأسه ناحية راسه، جبهتهم خبطت في بعض، ودي أول مرة أشوف كورماك شكله صغير كده.
قال"ده بارسلي، حصاني"
"الله ، دي تجنن"
"دي من سلالة بيرشيرون، ودي سلالة من خيول الجر، وده أخوها، أنجوس."
الحصان اللي في الحظيرة اللي قصادها شبهه بالظبط في اللون البني، بس شعره فضي بدل الأسود 
قال  "ده حصان بريندان ، دول كانوا أحسن صحاب."
"أوه."
"إحنا ربيناهم سوا، كانوا ما بيتفارقوش، زينا بالظبط، أعتقد ده خلانا نحس إننا أحسن شوية، بعد ما سيان وسورشا اتولدوا. التوأم ليهم رابطة خاصة، وإحنا كنا عايزين واحدة زيها برضه." 
طبطب على مناخير بارسلي، فرحت نفخت، وقعدت تزقه بكتفه كذا مرة، وعضت القماش،  أنا قلت
"الاتنين جمال أوي"
حسيت بضيقة في صدري زي ما يكون مربوط، زودت بصوت واطي
"أكيد وحشك أوي." 
كورماك همهم بطريقته العادية، كأنه بيتجاهل كلامي، بس كان فيه حاجة مختلفة، اتلخبط في وقفته شوية، وإيده سابت الحصان. قال
"أنتِ ما تعرفيش قد إيه"
وصوته اتكسر زي طبق قزاز وكمل
"أنا أعتقد... أعتقد إنه ممكن يقتلني."
عمري ما شفت راجل ضخم يصغر فجأة كده من الحزن اللي بلعه، وقع على الأرض اللي متغطية بالقش وعيط، عياطه كان عالي وصريح، ووجع صافي نازل زي النهر، ودموعه كانت بتنزل بسرعة أوي لدرجة إنه شكله ما كانش عارف ياخد نفسه. قلبي وجعني عليه، ووقعت على ركبي، وقعدت معاه على الأرض.
" كورماك،" قلت بحزن. "أنا آسفة أوي."
"وحشني." كورماك صوته اتقطع. "وحشني أوي."