نفسي ل نسرين بلعجيلي الفصل ٩٥

*كامليا عايزة إيه يا مامي

*عصمت الدنيا مقلوبة وانت نايمه *كامليا أهو صحيت في أية ؟؟

**عصمت في أن جوزك أتفضح في وسائل الإعلام والصحافة

*كامليا عملتيها يا مامي ازاي حرام عليكي أدهم داخل مشروع كبير وبعدين الناس حاتقول عليا ايه؟؟

*عصمت قومي الصحافة عايزة تاخد معلومات منك دي فرصتك تنتقمي منو

*كامليا هو أنت اتجننتي انتقم من أبو بنتي أنا نفسي بس اعرف أنت جايبه الشر دا منين؟؟ وعايزه توصلي لي إيه مش أنا ايديتك الملف اللي كنت عايزاه؟؟

*عصمت لا الملف دا لوحدو قومي يا غبية جدك دخل على الخط في البرنامج، واعترف بي مليكه مرات أدهم يعني شوية وتلاقيها داخله عندك، وتطردك أنت وبنتك

*كامليا أكيد عملتي مصيبة خليني افتح تليفوني

اول ما فتحت التليفون

أدهم رن عليها

*كامليا إلو

**ادهم قافلة جوالك ليه؟؟

*كامليا لسه صاحية

**ادهم أمك عندك؟؟

*كامليا أيوه أدهم أنا مش، فاهمه حاجه وماليش أيد في حاجة

**ادهم عارف بصي لو عايزة تفضلي على ذمتي أوعى تتكلمي مع الصحافة ولا مع حد، وياريت ما تطلعيش بره القصر لحد ما ارجع وأمك حسابها بقا عسير معايا

مش عايزة اعملي اللي أنت عايزاه ورقتك حاتوصلك وحاخد بنتي بي القانون، وانت عارفة كده فكري مع نفسك بس أتمنى تفكري وحدك مش أمك تفكر ليكي فاهمه؟؟

*كامليا يعني الناس عرفت أنك متجوز عليا؟؟

*أدهم وهو بي بص على مليكه اللي كانت جنبو ومتغاضه انو بكلم كامليا

أنا اتجوزت علي مليكه مش عليكي
ودا بقا أمر واقع عايزة تتقبلينه أهلا وسهلا مش عايزة أنت حرة
وقفل الخط

*مليكه لدرجة دي خايف عليها؟؟

*أدهم كامليا هبله و الصحافه ممكن توقعها في الكلام وأمها بتزن عليها
يعني هي بين نارين أنا وأمها

*مليكه يا حرام صعبت عليا أوي

**أدهم أنا رايح أبات في شقة أجرتها علشان جدي يرتاح هو ما بحبش جو فنادق
حاتيجي معايا، ولا اخد أولاد قولي لي أنت عايزة إيه وأنا حاعملو

*مليكه عايزة أبات هنا وولادي في حضني وسيب ملك أنا وعدتها تبات معايا

*أدهم شكرا أنك وأخذا بالك منها هي بجد محتاجه حنان الأم زي ما انت شايفة كامليا لسه صاحية دلوقتي

*مليكه سبحان الله ربنا كبير اللي عملتو فيا، وشك فيا ربنا ابتلاك بي كامليا الطيور على أشكالها تقع

وقامت وسابتو مجروح من كلامها
كل واحد روح بيتو

ياسين وسناء طلعوا عند مليكه

*ياسين الولاد نامو؟

*مليكه آه بنت أدهم نامت بصعوبة معرفش مالها

*ياسين غيرانة خايفه أبوها ينساها

*مليكه هو بس منبهر بي ولادو بس هي أكيد الدلوعه بتاعتو ما هي بنت كامليا هانم

*سناء دي غيره بقا يا مليكة ؟؟!!!

**مليكه مش غيره دي الحقيقة

**ياسين رحيم قالك إيه اللي خلاكي كده مش على بعضك

*مليكه سر بيني وبينو بين أكرم ومراتو

*ياسين والسر دا حايخليكي تروحي تعيشي في القصر؟؟

*مليكه عرفت ازاي انا ماقولتش لي حد حتى رحيم بيه ما ردتش عليه

*ياسين مليكه أنت مش محتاجة تتكلمي أنا وسناء بنفهمك من عينيكي

*مليكه يا رب ما ندمش

**ياسين هو، وعدني أنك لما تشوفي الحياة مستحيلة معاه قوليلي، وانا أطلقك منو بس الأول أدو نفسكم الفرصة علشان ماتحسوش بي ذنب ناحية ولادكم

*مليكه بس أنا ليا شروطي

*سناء براحتك حبيتي وهو اكيد حل يوافق وبصراحة لازم تطلعي من الحارة بعد الكلام اللي حصل ستات الحارة مافيهاش غير سيرتك

*مليكة شوفت يا آبيه سها حتى ماجتش تعتذر ليا

*ياسين سيبيها لي اخوكي يربيها

طلعت ملك من أوضة بتعيط
**ملك طنط مليكه أنت فين؟

*مليكه تعالي أنا هنا

راحت تجري عليها ملك حضنتها

*ملك أنا خايفه آوى
**مليكه من إيه يا حبيبتي؟؟

*ياسين رقيها يا مليكه احنا حاننزل
تحت

مليكه اخدت ملك في حضنها، وفضلت تقرأ عليها قرآن

تاني يوم

أدهم في البلكونة
بدخن

*رحيم ما نمتش؟؟

*ادهم أنام ازاي؟ شوفت بنتك عملت إيه؟ عايز بس اعرف ليه كل دا!!؟

*رحيم حسابات قديمة يا بني أمها مفهماها إن القصر بتاعها

*أدهم أمها هربت ليه؟؟

*رحيم مش عايز أتكلم في الموضوع دا جدي زمان اشترا القصر دا من جدها وهما رجعوا اليونان بس أمها بتقول إن جدي ضحك علي أبوها واخد منو القصر بس دا مش صحيح لأن جدها خسر كل حاجه في قمار سافرت مع أبويا اليونان، واتجوزنا وطلب مهرها القصر بس أنا رفضت لحد ما أبويا أقنعني اكتب ليها النص وعملت كدا
بعد ما ولدت عصمت هي كتبتو ليها بيع وشراء، وأنت شهدت على اللي حصل في حاجات ما ينفعش أحكيها كل حاجه في وقتها حلوه

على الضهر

كانت صلاة الجمعة راح رحيم اللي من زمان مدخلش مكان مقدس زي المسجد والإمام عمل خطبة على قذف المحصنات، وقال إن رجاله الحارة كلها كانت بتتمني تتجوز مليكه والكل عارف أخلاقها وإن اللي حصل تصفية حسابات
رجع اعتبار مليكه في الحارة بس وسط المجتمع لسه

كانت مليكه حضرت شنطة صغيرة ليها
اول ما طلعوا اتغدو

*رحيم احنا لازم نسافر

أدهم بص لي مليكه وهو حزين مش عارف يعمل إيه ياخد أولاد ولا يسيبهم

*أكرم أنا جاي معاك يا جدي

ادهم فرح وبص لمليكه
*مليكه وانا كمان مستعدة وجهزت حاجتي
ادهم بي بص ليها بي صدمه مش قادر يستوعب
****************************

رأيكم في الأحداث
وايه الشروط مليكه في اعتقادكم ؟؟