ليه يا زمن بقلم نسرين بلعجيلي الفصل الحادي عشر

يا خسارة تربيتي فيك يا سماح 
إوزينيها بالعقل يا نوال وشوفي عيالك وانسي المعلم و خذي الباب في إيدك عايزه انام 
نوال كده يا رحمة ماشي وبقولك الزفت دا حايتجوز بنتي إيه قولك بقا بالذوق بالعافية حيتجوزها 
وطلعت 
في نفس الوقت 
مراد كان في شقة علي 
علي يابني اتكلم خايلتني رايح جاي في إيه انا مصدع وعايز اروح انام 
مراد بص بقى أنا عايز أكمل نص ديني وعايزك تساعدني 
علي اساعدك ازاي هو انا خاطبه 
مراد ما الي عاوزها تعرفها 
علي اعرفها !!!!! اوعي تكون هايدي 
مراد هايدي تقول للقمر قوم وانا اقعد مكانك ولا كسوفها يا خړابي بيذوبني وبعدين انتبه على نفسه 
علي إيه دا إيه دا !!!! دا انت واقع بقى مين هي
انطق 
مراد انا حاقولك بس بالله عليك بلاش تهور 
علي في إيه يا مراد اوعى تكون سماح اختي وعلشان كده أبويا ضربها 
مراد صلي على النبي 
علي امال مين انطق 
مراد فرح 
علي قام من مكانه 
علي بتقول ايه من إمتى الكلام دا ! 
مراد أولا اهدا كده واقسم بالله مافيش حاجة من الي في بالك لا عمري قلتلها ولا كلمتها كلام حب 
علي لا انت الي لازم تقعد وتفهمني إيه الي بيحصل من ورايا 
مراد قعد وابتدا يحكيله كل حاجة حتى عن سماح 
علي انت مش راجل يا لا إزاي ماتقوليش لأ ورايح 
علي تسمي دا إيه 
مراد اسميه إني خاېف عليك أسميه إني مش عايز اجرحك ولا احرجك أسميه إني مش عايز اسبب ليك مشاكل مع أبوك 
ولعلمك بقى بحب فرح من زمان ومعجب بيها من ساعة ما كنت بروح اذاكر معاك ولا عمري كلمتها ولا بصيت عليها بصة مش حلوة لانها أختك 
كتمت كل حاجة جوه قلبي لحد ما اكون جاهز اتجوزها لان بنات الناس مش لعبة يا علي افضل احب فيها وانا مش عارف حاعمل إيه هو دا الفرق بيني وبينك انا حبيت فرح وسكت و اتكلمت لما لقيت نفسي جاهز أما أنت فضلت تحب في زهرة وتوعد فيها سنين 
أخد مفاتيح عربيته وطلع 
علي كان مصډوم من كل الي سمعه 
اما مراد كان زعلان جدا 
علي ماعرفش ينام أخد شاور ولبس ونزل راح بيتهم
رحمة لما شافته اتخضت لإن علي فتح الباب بالمفاتيح 
علي صباح الخير معلش آسف فتحت البيت بالمفتاح الي معاي 
رحمه دا بيتك يا بني 
علي اه بيتي الي بيتخبا علي فيه ولا خلاص طلعت يبقى تستغفلوني 
رحمه فهمت إن علي عرف كل حاجة 
رحمة تعالا أوضتي نتكلم 
راح وراها 
علي هو المعلم مش هنا 
رحمه لأ 
علي آه ماهو مش فاضي ومعندوش وقت يربي بناته 
رحمة عيب يا علي تتكلم على اخواتك البنات 
علشان افهمك 
علي ماقولتليش ليه 
رحمة ابتدت تحكي ليه كل حاجة 
رحمة خلي بالك فرح بتحبه وبأكد ليك انه مافيش حاجة بينهم هو أول ما قال ليها امبارح واحنا عندك لما فتحت ليه الباب إنه بيحبها وعايز يتجوزها جات تقول لي على طول 
علي و سماح ! 
رحمه دي بقا حكايتها حكاية من غير خشا ولا خوف بتكلمه لأ وكمان امها بتطلب مني إني اكلمك تكلمه يكلم بنتها
شايف المصائب الي أنا فيها وانا ماقدرش اكسر فرحة بنتي فرح عاقله وطول عمرها مالهاش في العوج حبته زي ما حبها بس حانعمل إيه في نوال و بنتها ما أكيد مش حايسكتوا 
علي اتخانقت مع مراد امبارح لما طلب مني اساعده يتجوز فرح 
رحمة اخصى عليك يا علي صاحبك معملش حاجة وحشة هو على طول كلمني وكلم فرح من غير ما يقول ليها حاجة على حبه
علي الي حصل بقى خلاص حاشوفه في المكتب واتمم معاه 
و لو عايز يتجوز فرح مافيش مشكلة حابقى مطمن عليها معاه مراد راجل وقد المسؤولية 
و اوعي تقوليلي سماح و امها 
رحمة ادإوعى تزعق لفرح هي النهارده رايحة الشغل ما تكسرش بخاطرها 
علي مټخافيش يا امي كويس إني انا هنا علشان أوصلها 
هنا دخلت فرح تصبح على امها لحد ما استغربت انها مش على السفرة 
اول ما شافت علي راحت 
فرح إنت جيت توصلني صح 
رحمه ربنا يخليكم لبعض اخوك ما هانش عليه تمشي لوحدك أول يوم 
فرح ربنا يخليك ليا يا أحن أخ في الدنيا
رحمه تعالوا نفطر 
زهرة كانت رايحه الشغل شافت عربيه علي وقلبها فضل يضرب 
وحشها رغم إنها لسه شايفاه امبارح 
عند طارق 
صحي على بنته سيلا بتلعب في وشه 
سيلا بابي إصحى بقى 
طارق في إيه يا مزعجة 
سيلا ماشي يا سي بابي إنت نسيت 
طارق اتعدل على السرير 
طارق نسيت إيه يا حبيبة بابي فكريني ومن غير ما تتقمصي لاني مشغول جدا 
سيلا النهارده لازم تروح معاي النادي علشان تسجلني في السباحة 
طارق بس كده يا قمر حاضر 
يلا روحي البسي هدومك وانا كمان آخد شاور والبس ونفطر مع تيته وننزل 
طلعت سيلا 
وهو اتصل بصاحبه إداه المعلومات على زهرة 
طارق بعد ما قفل الخط 
طارق والله و وقعت بين إيديا يا علي و احړق قلبك على حبيبتك زي ما اتحرق قلبي
يتبع