ليه يا زمن بقلم نسرين بلعجيلي الفصل الثالث

الفصل 3
نوال هو انت لسه فاكره قلبك ابيض يا رحمه دا احنا بينا عشره عمر. 
رحمه اه فاكره لما قولتيلي ما هو مش مبسوط معاك واترجيتك بس انت طمعت في خير المعلم. لا وكذبت عليا اني اهنتك وضربتك وخليت المعلم ضړبني وابني ماټ وهو سابني وراح عندك يعملك فرح في الحارة لولا ابويا الله يرحمه جا و اخذني المستشفي كنت زماني مت. وفضلت غضبانه سنة لحد ما ابويا ماټ و المعلم رجعني بعد زنك عليه علشان الورق ولا الي كنت بتعمليه معايا وتمنعيه يجي عندي 
وفريال عملت الي كنت بتعمليه. كما تدين تدان. 
نوال پصدمة ياه يا رحمه كل دا في قلبك!! 
رحمه الحمدالله قلبي مليان بربنا وانا سبته ليكم اعملوا الي انتم عاوزينوا بعيد عني وعايزه بس اقولك الدنيا سلف و دين الي عملتيه فيا بتعمله فيك. روحي شقتك عايزه اخش انام والمعلم في شقه فريال مع العروسة وطالما جابها هنا يبقى حاتعمر معاه واخزي الشيطان وارضي بنصيبك. 
نوال بتطرديني يا رحمه ماشي ما انت الكل في الكل فلوسك معاه ومشغلها ليك وبنت عمه عمره ما حايفرط فيك بس انا ماليش حد دا حتى الشقه مش راضي يكتبها في اسمي لو طردني ماعرفش اروح فين. 
رحمه وانا عمري ما حاسيبك يا نوال انت اختي وصابره على جنانك روحي صلي ركعتين وارتاحي. 
نوال لا يا حبيبتي دا انا هاطلع انكد عليهم بالاذن. 
وراحت تجري في السلالم وترن الجرس. 
نوال افتح يا معلم 
وتخبط بكل قوتها على الباب. نوال ڼار قايده في قلبها من الغيرة و الخذلان وتعبت من المؤامرات الي بتعمل على كل عروسه جديده لحد ما تطفش وعارفه إن المعلم متجوز بس انه يجيب العروسة البيت دي بالنسبة ليها اهانة 
الحاج كان نايم 
نانسي يا معلم في حد حايكسر الباب 
المعلم كان في سابع نومه. 
طلعت نانسي 
نانسي مين!! 
نوال افتحي الباب. 
نانسي عرفت انه صوت نوال ماهي جمعت كل المعلومات على المعلم جوزها
فتحت الباب نوال دخلت زي الثور الهايج. 
نانسي في ايه دخلا بزعبينك كده ليه 
نوال المعلم فين ! 
نانسي ياختي ونايم يرتاح 
نوال ههههه ضحكتيني اوعي يا بت من قدامي. 
نوال حتموت من الغير لما شافت نانسي و جمالها. 
نانسي وقفت قدامها. 
نانسي ما تحترمي نفسك يا وليه. 
نوال ولولوا عليك يا بعيده ايه نسيت نفسك ولا ايه 
نانسي نعم نعم!!! انسى نفسي دا ايه قالوا ليك عني 
فوقي لنفسك انا بنت ناس ومتربية مع امي وابويا مش تربية دار الايتام. 
نوال وهاتك فين يوجعك ونزلت بالشبشب على دماغها 
نوال كانت عفية وصحتها بومب. 
المعلم صحي على صوتهم وصړيخ نانسي اللي جايب اخر الشارع. 
رحمة سمعت صوتهم وكانت عايزه تطلع بس البنات منعوها. 
اما كريم طلع يشوف امه. 
المعلم في ايه 
نوال وهي بتنهج هي دي الي جبتها عليا ضرة وبتعايرني كمان. 
نانسي شفت عملت فيا ايه 
المعلم كان مصډوم من شكلها و بص على نوال انت عملت ايه 
نوال عملت الواجب دي بتعايرني بأصلي. 
طلقها يا معلم والا آخد بعضي واسيب لك البيت... 
المعلم اطلقها !!!! 
نوال عايرتني يا معلم. 
المعلم معلش ماهي ماجبتش حاجة من عندها قالت الحقيقة. 
نوال پصدمه كده يا معلم بتنصرها عليا! 
المعلم نوال لمي الدور وروحي شقتك وعقاپي ليك مش حاروح شهر كامل. 
نوال بقى كده !!! 
المعلم يلا على شقتك ربي عيالنا يا نوال وطلعيني من نفوخك. 
نوال هما عيالي لوحدي انا وانت فين حياتك 
المعلم وهو بيضحك ههههه حاتروحي فين ترجعي الملجأ الي كبرت فيه 
نوال بتعايرني يا معلم واتجوزتني وتبت لربنا وعملت عمرة وحجيت مع رحمه وقاعده في بيتي لا بطلع ولا بانزل وشايلاك من على الارض شيل وفي الآخر دا جزات 
دخل كريم بسرعه زق ابوه وبعده عن امه. 
كريم اوعى ايدك على امي انت مستحيل تكون راجل عندك عقل اتقي الله في نفسك وفينا. 
ومسك امه طلعها من الشقة واخدها على شقتهم.
نوال وهي بټعيط نروح فين انا لا ليا اب ولا ام ولا عم ولا خال اروح فين 
كريم ارض الله واسعه بيعي ذهبك وخلينا نأجر شقه بعيد عنه وانا والله يا ماما حاشتغل واصرف عليك انت و سماح. 
نوال وهي بتصرخ اااااااااه ياقلبي يا ضنايا ماليش غيرك. منك الله يا سعد يا ابن سنية حسبي الله ونعم الوكيل. 
طلعت رحمة هي و البنات عند نوال 
وفتح ليهم كريم الباب. 
نوال اول ماشافت رحمه قامت حضنتها. 
نوال ضړبني و طردني والمحروسة 
رحمه لا حول ولاقوة الا بالله العلي العظيم اهدي يا نوال ماتعمليش في نفسك كدا. 
كريم يرضيك يا امي بعد العمر دا كله يبهدلها علشان بدافع عن حقها هو خلاص اټجنن. 
اتكلمت فرح باسف عل حالة مرات ابوها و اخوها
فرح عيب يا كريم تتكلم على بابا كده. 
كريم وهو مش عيب عليه الي بيعمله فينا 
مش كفايه إنه مابيعرفش عننا حاجه!! 
سماح كريم عنده حق هو زودها كثير هو فين علي يجي يوقف ليه 
رحمة سيبوا علي في حاله هو مش ناقص مشاكل مع أبوه. 
كريم بس احنا اخواته ولازم يوقف معانا. 
رحمة وهو كان قصر معاكم في حاجة مش كفايه انو انطرد من البيت حد فيكم فتح بؤه دافع عنه وانت يا كريم ليه ما شهدتش بالحقيقه ان فريال هي الي كانت بتشاغله 
مش طلعك من الحجز وكان بيزورك في المستشفى 
كريم انا كنت صغير وماكنتش بقدر اقف قدام ابويا وانت عارفه ان علي فرق في حياتي قوي. 
نوال رحمة احنا لازم نتصرف قبل المدعوقه دي ماتخلف وتجيب لينا وريث يشارك ولادنا في الرزق و الورث. 
جملة نطقتها باسرع منها من غير ماتفكر.  
ردت رحمة وهي قاصده تبين لنوال انها عارفه نواياها الخبيثه والي عملته مع فريال. 
اما نوال فتحت بؤها من الصدمة وعرفت إن رحمة عارفه كل حاجة وساكتة وخاېفه لاتكون عارفه كمان انها هي الي وزت فريال إنها تتبلا على علي وهي زودت كلمتين من عندها على وذان الحاج. 
رحمة فهمت نظرات نوال و صډمتها وحبت تأكد ليها الي بتفكر فيه إنه صح. 
رحمة علي ساب البيت ومشاكله منهم لله الي كانوا السبب في دا. 
كريم يبقي لازم علي يساعدنا مش هو محامي 
فرح يساعدنا في ايه 
كريم بص لوالدته نحجر عليه 
نوال مش فاهمه يا ولا نعمل ايه 
كريم نحجر عليه يعني نعمل دعوة في المحكمه إنه مش في قوته العقليه وبيضيع فلوسنا 
نوال يا نهار اسود ومنيل!!! انت بتقول ايه 
كريم بقول الحقيقه مش هي دي الحقيقه يا امي 
رحمة حتى لو هي دي الحقيقه دا ابوك عايز توقف قدام ابوك في المحكمه الناس تقول علينا ايه 
كريم هي الناس لسه حاتقول! دي الحارة مالهاش غير سيرتنا.