شيزوفرينا بقلم اسماء ندا الفصل الخامس
انتبهت الليز لتلك الدقات الرقيقه على كتفها فحركت يدها ونزعت تلك العصابه من فوق عينيها لتكتشف أنها داخل الطائرة وان كل ما كانت تعيشه منذ لحظات ما هو سوى ذكريات ابتسمت لها المضيفة وقالت
وصلنا فلوريدا تقدرى تفك الحزام وتنزلى
شكرا لك
نهضت اليز ثم خرجت من الطائرة حتى وصلت الى ساحة الانتظار فوجدت ضابط الأمن يوقفها قائلا
مدام ماجى ممكن تيجى معانا للمكتب
نزعت نظارتها و نظرت له قائلة
في ايه هو فى اتهام مباشر
ايوه فى بلاغ ان شنطتك فيها ممنوعات
ضحكت أليز عاليا ثم قالت
وطبعا صاحب البلاغ مجهول
لو حضرتك مفيش حاجه فى الحقائب ممكن ترفعى قضية اظهار هوية المبلغ
طبعا هرفع قضية وأثبتها كمان وهطالب بتعويض كبير من اى جهة
تعالى ورايا من هنا
تحركت اليز خلف الضابط حتى وصلوا إلى مكتب الجمارك ثم جلست على مقعد أمام طاولة التفتيش حيث بدء الضابط بفتح الحقائق وإخراج ما بها لم تختفى ابتسامة اليز وهى تتذكر انها عندما كانت تجمع حقيبتها قبل السفر من بيتها لاحظت وجود سوسته مخفيه فى جسم الحقيبة وعند فتحها وجدت أكياس ومعلبات غريبة الشكل أخرجتهم ونقلتهم الى غرفة زوجها دانيال ثم بعد تفكير وضعتهم داخل حقيبة سيارته أسفل فرش الحقيبة المثبت ثم عادت إلى غرفتها وأخذت الحقيبة بعد ان تأكدت من خلوها من اى شي وانطلقت انتهى الضابط من تفتيش الحقيبة ثم قال
اسفين جدا مدام ماج من الواضح أنه بلاغ كاذب
مش قابلة الاعتذار عايزة اعرف مين صاحب البلاغ وكمان بطالب برفع قضية تعويض
طبعا ده حقك واحنا بالفعل جهزنا الإجراءات قبل التفتيش لان نحن نعلم من تكونى مدام ماجى وزوجة من
جيد كده انت عارف مين قدم البلاغ
طبعا لكن محتاجين قرار محكمة للإفصاح عنه لكن وديا انا هقولك هو المحامي ريجارد بلكيم. اعتقد انه شغال فى شركات السيد دانيال
زادت ابتسامتها ثم قالت على العموم انا مش هرفع قضيه لان جوزى هو اللى ورى المحامى ده فمش هأذي محامى مبتدأ شكرا ليك اقدر امشي دلوقتى
طبعا طبعا اتفضلى
خرجت اليز من المطار وتوجهت إلى بيتها حيث كانت والدتها تجلس مع أبنائها وما ان دلفت الى الداخل قالت الام
انت ايه اللى رجعك دانيال اتجنن وحالف يسجنك انا بعت لك رسالة
وصلت هو فين دلوقتي
لسه فى المستشفى هتعملى ايه ده مجرم
ما انتى كنت عارفة انه مجرم وبرده وافقتى على جوازى منه مش مهم مش هنعيد الكلام متقلقيش هيعقل قريب جدا
ألقت اليز الحقيبة بجوار الباب ثم عادت إلى الخارج و استقلت سيارتها ثم ذهبت إلى مستشفى الحى وفى الاستقبال سألت عن الغرفة التى يتواجد بها زوجها ثم صعدت عبر المصعد لم تدق الباب بل فتحته بقوى ثم دلفت وجلست فوق المقعد المجاور للفراش حيث تنظر مباشرة فى هين دانيال الذى فتحها على وسعها وظهر الغضب على وجهه وقالت للمحامى الذي كان يجلس
روح هات قهوة اسبريسو ٣مكعبات سكر اتحرك
تحرك المحامى سريعا إلى خارج الغرفة كان لدغته عقربة وأغلق خلفه الباب اسندت اليز ظهرها الى ظهر المقعد و وضعت قدم فوق اخرى وقالت
شغل الاطفال فى الثانوى ده مش عايز تتخطاه بيئه جدا دانيال
عديتى منها ازاى
من ايه يا حبيبى صحيح هو ايه حصل فى بيت إلياس
إنتفض جسد دانيال بقوه وقال بريبة
انت انت عرفتى منين
ضحكت اليز ضحكات ترتفع رتمها حتى كاد من يمر بجوار الغرفة ان يفزع من ضحكاتها وبعد ان هدات كان المحامى قد عاد وهو يحمل بيده كوب القهوة فأخذتها من يده وقالت
ريجارد تفتكر لما تنزل صور السيد دانيال على السوشيال و الإعلام وهو
قاطع كلامها صريخ دانيال اخرسي اياك تقولى حرف واحد زياده ريجارد روح مكتبك و هنتحاسب بعدين
استنى ريجارد دانيال هتمضي ورق طلاق و تدفع مائة مليون فوق نصيبى القانونى تعويض عن حياتى معاك من اول جوازى أو الصور والفيديوهات تنتشر فى كل مكانواه صحيح هتكتب شاليه هاواي باسمى
نهضت بعد أن ألقت فوق صدره مجموعة من الصور ولم تترك له فرصة للاجابة وما ان وصلت إلى باب الغرفة حتى سمعته يصرخ بتوعد
مش هأطلقك ولن تجرئين على نشر اى حاجه او هانشر اللى حصل يوم مقتل والدك
كانت والدة اليز تقف عند الباب ما إن فتحته اليز واستمعت وقالت
لو معاك حاجه انشرها بس السؤال بقى ايه ساكتك السنين دى كلها وهى كانت طفلة وانا هقول انك اجبرتها خاصتا انى معايا اوراق تثبت انها كانت بتتعالج من حالة تحكم بالعقل من شخص مجهول وكان فى آثار إساءة و استخدام جسدى كله بالورق
خرجت اليز وبعقلها مئات الأسئلة والتكهنات عن كلام والدتها تذكرت معنى الكلام الفرنسي الذي دار في اليخت قبل زواجها من دانيال بأيام فقط فاستدارت قبل ان تستقل السيارة وقالت
ماما انتى كنتى عارفه انى قتلت باب
كنت عارفه عشان كده اخدتك ونقلت بس فضلت انك تفضلى فاهمه انى معرفش عشان ما تخافيش و تهربى منى
ازاى انتى كنتى نايمه
نروح و هحكيلك كل حاجه احنا قى الشارع
