شيزوفرينا بقلم اسماء ندا الفصل الخامس

الفصل الخامس
داخل مطار نيويورك الداخلى وقف اريك يودع نيروز تاركا قلبه داخل ذلك السجن الذي القى به داخله منذ سنوات تركها تسافر على وعد بلقاء قريب بعد أن تتخلص من ذلك العجوز المتعجرف عدت الى شخصيته التى اختارت اسمها بنفسها يوم قرار والدتها بالانتقال إلى ولاية اخرى وتغير اسمائهم بعد اختفاء والدها أو هذا ما ظنته امها جلست على مقعدها واغمضت عينيها بم تكن تريد أن تعود بالذاكرة لكن ضريبة توقفها عن العلاج دايما ما يجعل عقلها حبيس تلك الذكريات.
سقطت دمعة من عينيها عندما لح على عقلها اول مرة رأت دانيال فى حفل تخرجها من المدرسة الثانوية اى بعد مرور ما يقرب من خمس سنوات على تلك الحادث كانت الحفل قد انتهت وهى تستعد للخروج مع صديقاتها لكن والدتها فاجأتها بتوقيفها عند باب القاعة وهي تقول
اعتذرى لاصحابك اليز دانيال عازمنا فى اليخت بتاعه 
مين دانيال وبعدين انا عايزه اخرج مع اصحابى 
وقبل ان تتكلم الأم قال دانيال جيد خليهم يجوا معاكى اليخت كبير وهيعجبكم 
نظرت اليز له ولا تعلم لماذا شعرت بشئ من الخوف لكنها كعادتها اخفت ذلك الخوف حتى لا يظهر على ملامحها وقالت
حسنا هروح اسالهم لو وافقوا اوك نيجى كلنا لو رفضوا هروح معاهم وابقى خد انت ماما
لم تنتظر اجابته وعادت مسرعة إلى أصحابها لكن سرعان ما جاءت بهم فقد وافق الجميع فان فرصة تنزه بيخت لا تتكرر وعلى الرغم من السعادة التي ارتسمت على وجهه امها وتلك الابتسامة الخبيثة التي لمحتها على وجهة دانيال إلا أن قبلها كان يشعر بالخطر.
بعد بضع ساعات كانت هى واصدقائها يتراقصن على الأغاني الصاخبة وسط البحر فوق يخط من طابقين فوق الماء وطابق لغرف النوم أسفل الماء كانت اليز تلاحظ الدموع فى عين والدتها التى كانت تتعمد إخفاء وجهها او الاختفاء للكثير من الوقت باى مكان على اليخت بعيد عنها مما جعل شعورها بالقلق يزيد فتركت اصدقائها وانطلقت تبحث عن والدتها داخل بكل مكان فى الاعلى فلم تجدها ثم هبطت الى الغرف وما ان اقتربت من احد الغرف حتى سمعت صوت امها تتحدث الى احد ما لكنها لم تفهم ما يقال فى حينها فقد كان الكلام بالفرنسية و العجيب انها فهمت الكلام بعد ذلك بسنوات وكان كالاتى
لو أذية بنتى فى يوم هاقتلك بأيدى 
خلاص هاتى الفلوس اللي على جوزك الهربان وانا ابعد 
احنا ملناش دعوة ما تدور عليه وتاخدهم منه
وادور ليه هتجوز بنته مقابل الفلوس او هسجنك انت ما التوقيع اللى على الورق باسمك
مش توقيعى ده مزور 
اثبتى بقى 
دخلت اليز الى الغرفة فوجدت والدتها تجلس على مقعد بجوار الباب ولا يوجد احد بالغرفة فقالت
انت كنتى بتكلمى مين وبانهى لغه 
انا انا كنت بتكلم فى التليفون أصل البنك هيحجز على البيت والموظف الغبى ما بيتكلمش غير فرنسي قلت له اننا مسافرين ولما نرجع هندفع فقال هو اسبوع واحد بس 
اسبوع واحنا هنجيب فلوس منين 
مش عارفه كنت بفكر اشوف شغل عند دانيال بس فى سنى ده معرفش هيوافق ولا لا
صمتت اليز قليلا ثم قالت انا هكلمه واطلب شغل عنده انا كبرت خلاص 
خرجت اليز من الغرفه لكنها لم تنسى ابدا اي كلمة مما سمعته وقررت بداخلها تعلم اللغة الفرنسية بينما كانت تصعد الدرج الى سطح اليخت اصطدمت ب دانيال وهو يخرج من غرفة مجاورة الى الغرفة التى كانت والدتها بها ابتسم لها وقال
كنت عايز اكلمك فى موضوع كده 
وانا كمان تعالى نطلع عند مقدمة اليخت 
طب وليه نطلع تعالى هنا خمس دقائق مش أكثر 
هنا فين
بابتسامة خبيثة قال وهو يفتح باب الغرفه المقابل للغرفة التى خرج منها 
هنا دى غرفة المطبخ انا بحب اقضى الوقت هنا بحب اعمل أنواع الطعام المختلفة بنفسي 
دلف الى داخل الغرفة تارك الباب مفتوح حتى نتبعه تنبهر اليز بجمال واناقة المطبخ الذي تشعر داخله كأنك فى مطعم خاص بك اشار لها بالجلوس قرب الطاولة ثم ذهب الى الموقد وحضر بعض السمك الطازج ثم جاء ليجلس فى المقعد المقابل لها بعد ان وضع طبق أمامها وقال
مين يبدا الأول الكلام 
اممم انا هبدا انت عارف انى لسه مخلصة المرحلة الثانوية ولسه بدرى على موعد بداية الدراسة ففكرت انى اشتغل طبعا ماما مش موافقة بس 
بس ايه 
لو عرفت انى هشتغل مثلا معاك ممكن توافق
قضم قطعة كبيرة من السمك ثم قال
هو انت عايزة تدخلى كلية ايه 
فنون بحب الرسم وعايزة اتخصص فيه
جميل ممكن اساعدك تدخلي كلية الفنون الموجودة فى ولاية فلوريدا بس هنغير اسمك طبعا نبدأ التغيير من هنا عشان الشهادة تكون بالاسم الجديد
ليه اغير اسمى 
جميل هقولك بس ده يكون سر بينى وبينك انتى عارفة ان اسمك نيروز ده كان الاسم اللي ابوكي كان بينادى عليكى بيه وان اسمك فى الورق اليز وده الاسم القانوني صح
ايوه انت عرفت منين
عاد بظهره الى ظهر المقعد وقال والدك كان صديق لى وكان عليه فلوس كثير بس ده مش مهم وفجأة بعد ما عائلته اختفت اكتشفوا جثمان محروق جوه عربية واقعه من فوق المنحدر ومع تتبع الخيوط الشك اتلف حولين والدتك بس عشان انا عارف ابوكي كان بيحب امك اذاى فكان لازم احميها استخدمت معارف لى وخبيت كل الخيوط والادلة طول السنين دى وكنت بدور عليكم لحد ما عرفت مكانكم وشوفتك قلبى اتعلق بيك ومش هكدب عليك انا قولت لمامتك انى عايز اتجوزك وهنسي فى المقابل الدين اللى على والدك وكمان هدفع لك مهر كبير وهشترى لك بيت ولو حابه اليخت ده مكتبه باسمك
يعنى انت بتهددنى اتجوزك او تبلغ عن امى صح
لا انا مقولتش كده بالعكس انا هسعي فى تغير اسم والدتك واسمك وكمان هخفى وجودكم من الاساس يعنى مش هيكون فى حد اتوجد باساميكم دلوقتى او قبل النهاردة وكل ده ليه عشان بحبك ما ترديش عليه دلوقتى فكرى وردى بكره