شيزوفرينا بقلم اسماء ندا الفصل الثاني

الفصل الثاني
فى صباح اليوم التالى
تململت ماجى فى فراشها ثم فركت عينيها برفق ونهضت تنظر من حولها نهضت بحركة بطيئة نوعا ما نظرت الى ذلك الدفتر الاسود فوق الطاولة ثم همست لنفسها
هى كتبت ايه المره دي ولا انا اللى كتبت ونسيت اشيله
ابعدت نظرها عن الدفتر ثم دلفت الى المرحاض الخاص بالغرفة وبعد عدة دقائق خرجت ترتدى بيجامة من الحرير تاركة الى شعرها الأسود حرية الانسدال على كتفيها وظهرها ثم خرجت من الغرفة وتسلقت الدرج نزولا الى الطابق الثانى ألقت بنظرة سريعة على زوجها النائم بملابس العمل ثم اغلقت الباب مرة اخرى وذهبت إلى غرف الاطفال لم تجدهم هناك لكن صوتهم استطاعت الاستماع اليه عبر نافذة الغرف لقد كانوا يمرحون فى الحديقه و الجدة تجلس معهم .
ابتسمت وهى تقرر داخلها ان تقضى بعض الوقت مع الأولاد توجهت الى المطبخ لصنع بعض الشطائر باللحم وبعض العصائر ثم وضعتهم فى صينية كبيرة وحملتهم الى طاولة الحديقة جلست الى جوار أمها وقالت
اسفه يا ماما عارفه ان غلط فى كلامى معاكى امبارح
يا بنتى انا خايفه عليكى لكن كل اللى قولتيه حقيقة وانا ست ضعيفه ماعرفت احميكى عشان كده رفضه انك تكوني شبهى بصى لأولادك الصغار ابوهم ولا حاسس بيهم وشكله اصلا ناسي ان ليه اولاد وانت شهر معاهم وشهور مختفيه وما اعرف ليك طريق يارتنى ما كنت وافقت انك تتجوزى كنت فاكره عشان هو راجل غنى هيحافظ عليكى فكرى يا ماجي عشانهم تتعالجي 
نظرة ماجى إلى أطفالها الذين التفوا من حولها كي ياكلوا من ما احضرته وكل منهم يتسابق مع الآخر للتحدث معها
ماما عايزين نروح البحر و نلعب على الشاطئ
تيتا قالت لما ترجع امكم 
قالت ماجى وهى تبتسم بطبيعية
طيب بس بشرط
قفز الأطفال من الفرحه وهم يصرخون
حاضر حاضر
ضحكت الجدة وقالت الاكل يخلص الاول وبعدين نروح 
علقت ماجى على كلام والدتها ايوة زى ما قالت تيتا الاكل الاول 
جاء صوت دانيال من عند باب الحديقة
هتروحوا للبحر من غيرى انا عندى مواعيد شغل مهما بعدين هحصلكم ماجى تعالى عايزك 
نهضت ماجى وهى تهمس لنفسها عايز ايه ربنا ياخذك وارتاح منك 
عادت ماجي إلى المنزل ثم مرت من جوار دانيال ولم تعره اى نظره جلست داخل غرفة المعيشة وقامت بتشغيل التلفاز اقترب هو بغضب واغلقه و وقف أمامها قائلا
انا قلت عايز اتكلم معاكي يا هانم ولا خلاص انا ما بقى لى كلام يتسمع عندك
لم ترفع نظرها إليه لكنها اشارت له ان يتحدث فانفجر من الغضب
لا الحياة معاكى بقت مستحيلة بس لو فاكره ان باللى بتعمليه ده هطلقك تبقى غبية انا هرميك فى السجن لحد ما تعفنى وساعتها هيكون لى حق أطلقك من غير ما تخدى سنت واحد
وقفت وهى تضحك ثم قالت تسجنى! ليه مستني لحد النهاردة اه صح انت عارف انك ما تقدر تعمل كده طبع ليس بسبب خوفك على الأولاد لكن عشان عارف ومتأكد انك هتتسجن قبلى لو اتكلمت انا تحب اقول للشرطة انك مرتشي او اقولهم انك بتهرب ممنوعات في كل سفرية ليك 
ليس معك اى دليل عن كلامك ده انا ساكت عشان الاولاد لانى عايز امهم تفضل جنبهم لما انا ابعد
امال لسه بترجع هنا ليه ابعد انا حتى مش طلبة منك الطلاق يمكنك الرحيل لن أقف فى طريقك تذكر فقط ان لن يكون لك مكان هنا مرة اخرى 
اها عايزانى امش وابعد عشان يمر كام سنه وتكسبى قضية طلاق فورية 
اعمل اللى انت عايزه انا هفضل مراتك ولن اتنازل عن سنت واحد من حقى استنى او ارحل مش هتفرق عندى 
زاد غضب دانيال من هدوء ماجىلقد تحركت مبتعدة إلى الخارج بعد ان القت كلمتها على مسمعه تاركه حديثهما دون نهايه لا تريده ولا تعطيه حقوقه كزوج لن يستطيع أن يطلقها ولن يستطيع أن يفر هاربا .
مرة ساعتين و صدى ضحكات اطفالها تتردد داخل ملاهى الشاطئ وهى تلعب معهم مسحت على شعر ابنتها قرب سلم الحلازونه المائية وهمست لها
انت شجاعة وتقدرى تتزحلقي يلا انزلي وانا هنزل بعدك 
وبرفق دفعت ابنتها داخل دائرة الحلزون ثم بعد ثلاث دقائق تبع الفتاة اخيها فضحكت بصوت مرتفع وقالت
انا هنزل من السلم. استناهم تحت 
لكن بشكل مفاجئ حملها شخص ما وقفز بها داخل الحلزون وسط ضحكات الجميع على ذلك السب الذي ألقته عليه تباعا وهي متشبثة بجسده كالطفل المرتعد وما أثار ضحك جميع من فى المسبح حمام السباحة ان عند خروجهم من الحلزون للماء كانت لا تزال تتفنن باختيار ألفاظ السب بل عندما استطاعت الوقوف استدارت لتنظر فى عينية بقوة وهى تصرخ
انت مجنون ازاى تعمل كده مين اداك الحق اصلا انك تقرب منى كده
اوه ماجي ليه كل الغضب ده انا قولت انك هتفرحى لما تعرفى انى سيبت كل حاجه وكل شغلي وجيت عشانك انت بس حببتى ده كان طلبك
ذاك الغبي لم يكن ليدرك ان من قفز بها الى داخل الحلزون ليست هى من خرجت معه الى داخل المسبح في شدة الخوف الذي اجتاح عقلها أعطى زمام الحرية لتلك الساحرة القاطنة داخل العقل فسرعان ما استنفرت للخروج والدفاع نظرت له متصنعه التعجب ثم رسمت ملامحها الباردة التى يصعب قراءتها وقالت
فاكر ان اسلوبك. وكلامك ده ينفي 
ابتسم وهو يقترب منها ويحاول ان يظهر انه يهمس ثم قال
عارفانى ودول أطفالك حبيبتى